Skemmtileg frétt á mbl.is, furðulegt hvað fólki dettur í hug, HUGMYND fyrir Björgu & Benna ? Maður spyr sig:

“Íslenska mannanafnanefndin hefði væntanlega maldað eitthvað í móinn hefði hún fengið svipaða beiðni en Ceejay breytti nafni sínu í: Ceejay A Apple B Boat C Cat D Dog E Elephant F Flower G Goat H House I Igloo J Jellyfish K Kite L Lion M Monkey N Nurse O Octopus P Penguin Q Queen R Robot S Sun T Tree U Umbrella V Violin W Whale X X-Ray Y Yo-Yo Z Zebra Terryn Feuji-Sharemi.”

Ég set þetta hérna inn til að láta Áslaugu hlægja…:)

Margt að gerast í þessum mánuði, halda upp á þrjú afmæli barnanna, við erum búin að kaupa allar afmælisgjafir en þetta er frekar dýrt sport að eiga þessi börn en vel þess virði. Vonandi heppnast afmælin vel. Jakob verður 7 ára, Arney 3 ára og Rakel 2 ára. Hrikalega flýgur tíminn…. vrrúúúmmm (Þetta var tíminn að fljúga)

Er dottinn aftur í vinnuna, er að vinna frekar mikið en það er víst eitthvað sem maður þarf að gera, verst að vinstri/kommúnistarnir hirða þetta allt saman í skatt, mikið vildi ég að ríkisstjórnin myndi fatta að lækka skatta og vsk myndi ýta undir neyslu og hagvöxt eins og þeir gerðu t.d í Þýskalandi, landinu er víst stjórnað af spes liði, ekkert sem maður getur gert í því.

Myndband sem ég horfði á í gær, mjög hvetjandi….

Partur 1 af 9.

Einstaklega skemmtilegt efni…

Þetta gengur vel, ég er búinn að missa dálítið, ég gæti náð takmarkinu, vandamálið
er að ég er er að fara út með konunni til Lux í viku.. hmm ég hleyp eflaust lítið þar.
Ætla allaveganna ekki að bæta á mig úti það er alveg á hreinu.

Tekið af pressunni:

Norskur læknir segir Alþjóðaheilbrigðisstofnunina (AHS) hafa haft upplýsingar um að svínaflensan væri tiltölulega væg og að flestir 60 ára og eldri væru ónæmir fyrir sjúkdómnum en samt sem áður ákveðið að lýsa yfir hæsta viðbúnaðarstigi og heimsfaraldri.

Lars R. Haaheim, fyrrverandi prófessor í læknisfræði, hefur starfað sem ráðgjafi AHS í inflúensumálum en hann segir í samtali við norska blaðið Aftenposten að farsælla hefði verið fyrir stjórn stofnunarinnar að lýsa eigin neyðarástandi þegar þau sáu hversu væg sínaflensan var.

Gríðarlegt magn bóluefnis var framleitt í kjölfarið og dreift til ríkja heims, m.a. Íslands, og fólki skipt í nokkra mismunandi hópa eftir því hversu brýn þörfin var.

Óléttar konur voru einn þessara hópa sem fengu forgang og greinir norska blaðið frá því hvernig tvær óléttar konur töldu sig sviknar af áróðri heilbrigðisyfirvalda. Þær hafi beðið óþolinmóðar eftir að fá bóluefni síðastliðið haust en þær sjái nú að sá kvíði sem fylgdi biðinni var til einskis. Fjölmargir aðrir sem beðið hafi eftir skammti með öndina í hálsinum séu einnig nú á þeirri skoðun að óttinn hafi verið óþarfur.

Ørjan Olsvik, prófessor í örverufræðum, kannaði upprunaleg gögn frá Mexíkó, þar sem upptök flensunnar voru, og sá að þau gáfu enga ástæðu til að ætla að um hættulegan sjúkdóm væri að ræða. Þvert á móti hefðu gögnin leitt í ljós að um mun vægari sjúkdóm væri að ræða heldur en venjulega flensu.

Í júníbyrjun á þessu ári komu 16 starfsmenn AHS saman á leynifundi en ekkert hefur verið gefið upp um hverjir þessir starfsmenn séu.

Segir Olsvik afar fróðlegt að sjá hverjir þessir menn séu og hvaða tölur þeir hafi haft í höndunum þegar ákvörðun hafi verið tekin um að lýsa yfir hæsta viðbúnaðarstigi og heimsfaraldri. Óþarfi hafi verið að hræða heimsbyggðina að óþörfu.

Í dag fór ég að lyfta, fór í körfubolta, spilaði nokkra leiki, svitnaði vel og fór svo heim og gerði armbeygjur og magaæfingar. Kjallinn ætlar að negla þetta, það er veðmál í gangi, segi ekki upp á hvað en á hverjum degi þarf ég að segja frá hvernig mér gengur.

Ég er eflaust að fara æfa annað hvort box eða Ju Jitsu, get ekki alveg ákveðið mig, þekki tvo gaura sem eru að kenna Ju Jitsu og eru með svarta beltið í því. Held ég fari í þá átt, drullu flott íþrótt.

Jæja farinn að sofa bráðum, verður erfitt að negla þetta átak og vinna 15-16 tíma á dag en það hefst

@Work 24/7 svo ég nenni ekki að blogga eða gera neitt, er ömurlegur í þessu.

Svo ég henti þessu í ykkur, eitt best standup sem ég hef séð.
Endilega horfið á alla partana, batnar með hverjum partinum….

Ég byrja á part 2.